રાજકોટ: શ્રી ગુર્જર સુતાર જ્ઞાતિ–રાજકોટ પ્રેરિત અને શ્રી વિશ્વકર્મા યુવક મંડળ દ્વારા આયોજિત તૃતીય ડે/નાઈટ ક્રિકેટ ટુર્નામેન્ટ માટે તૈયારીઓ જોરોશોરથી ચાલી રહી છે. વાર્ષિક રમતો અને જ્ઞાતિ સભ્યોમાં ખેલ પ્રત્યે ઉત્સાહ વધારવાના હેતુસર આયોજિત આ ટુર્નામેન્ટ ૧૮ થી ૨૧ ડિસેમ્બર ૨૦૨૫ દરમિયાન યોજાવાનો છે. વાજડી, રાજકોટ ખાતે આવેલા શિવમ્ ક્રિકેટ ગ્રાઉન્ડ પર ચાર દિવસ સુધી રમતગમતનો રંગારંગ માહોલ જોવા મળશે. યુવાનોમાં રમત પ્રત્યેનો જુસ્સો વધે અને જ્ઞાતિમાં એકતા મજબૂત બને તેવું ધ્યેય રાખીને યુવા મંડળ આ કાર્યક્રમનું આયોજન કરી રહ્યું છે.
ટુર્નામેન્ટમાં ભાગ લેવા માટે અલગ-અલગ વિસ્તારોની અનેક ટીમો તરફથી ઉત્સાહજનક પ્રતિસાદ મળી રહ્યો છે. તમામ ટીમના કેપ્ટનને સૂચના આપવામાં આવી છે કે ટીમની નોંધણી સમયસર પૂર્ણ કરવી ફરજીયાત રાખવામાં આવી છે. આ માટે ધવલભાઇ બકરાણીયા (૮૧૨૮૨ ૧૧૧૦૦) તેમજ દીપકભાઈ પીલોજપરા (૭૫૬૭૭ ૭૭૧૯૭) સંપર્ક વ્યક્તિ તરીકે નિમણૂક કરવામાં આવ્યા છે. ટીમ નોંધણીની અંતિમ તારીખ ૧૪ ડિસેમ્બર ૨૦૨૫ ના રાત્રીના ૮.૦૦ વાગ્યા સુધી નક્કી કરવામાં આવી છે. દરેક ટીમે ૧૨ થી ૧૫ ખેલાડીઓના સંપૂર્ણ નામ સાથે વ્હોટ્સએપ દ્વારા નોંધણી મોકલવી જરૂરી રહેશે.
ટુર્નામેન્ટની ખાસિયત એ છે કે દરેક ટીમને બે મેચ રમવાનું અવસર આપવામાં આવશે, જેથી ખેલાડીઓને પોતાના ખેલનું સઘન પ્રદર્શન કરવાની વધુ તક મળશે. રમતગમતના વિકાસને પ્રોત્સાહન આપવા અને યુવાનોની પ્રતિભાને પાંખ આપવા માટે આ આયોજન અત્યંત પ્રેરણાદાયક બની રહેશે. આયોજન સમિતિએ ખાસ કરીને સ્પષ્ટ કર્યું છે કે વ્હોટ્સએપ દ્વારા ખેલાડીઓની યાદી સાથે એન્ટ્રી ફી જમા કરાવી હોય તેવી ટીમોને જ ડ્રો પ્રોસેસમાં સમાવેશ કરવામાં આવશે. જેથી આયોજનમાં પારદર્શિતા, સમયસર પ્રક્રિયા અને શિસ્ત જળવાઈ રહે તેવું સુનિશ્ચિત થશે.
ટુર્નામેન્ટની સફળતા માટે શ્રી ગુર્જર સુતાર જ્ઞાતિના ટ્રસ્ટીશ્રીઓ, કારોબારી સભ્યશ્રીઓ અને યુવા મંડળના સભ્યો સતત તૈયારીમાં જોડાયા છે. જ્ઞાતિની એકતા, ખેલભાવના અને યુવાન શક્તિનું આ આયોજન દ્વારા સુંદર પ્રતિબિંબ જોવા મળશે. રાજકોટ શહેર અને આસપાસના વિસ્તારોમાં ક્રિકેટનો માહોલ જામશે અને ખેલપ્રેમીઓ માટે આગામી ચાર દિવસ યાદગાર બની રહેશે.
