ઈલોડગઢ વિશ્વકર્મા મંદિરની રજત જયંતિ ઉજવણીમાં ત્રિ-દિવસીય શતચંડી યજ્ઞ અને રાંદલ ઉત્સવનો ભવ્ય કાર્યક્રમ
ભગવાન શ્રી વિશ્વકર્મા અને ભગવતી શ્રી રાંદલ માતાજીના આશીર્વાદથી સ્થાપિત શ્રી વિશ્વકર્મા મંદિર, ઈલોડગઢ વર્ષ 2026 માં પોતાના ગૌરવશાળી 25 વર્ષ પૂર્ણ કરી રહ્યું છે. આ અવસરને યાદગાર બનાવવા મંદિર ટ્રસ્ટ દ્વારા રજત જયંતિ મહોત્સવ નિમિત્તે ત્રિ-દિવસીય શ્રી હોમાત્મક શતચંડી યજ્ઞ, શ્રી રાંદલ ઉત્સવ (108 લોટા) સહિતના અનેક ધાર્મિક અને સાંસ્કૃતિક કાર્યક્રમોનું ભવ્ય આયોજન કરવામાં આવ્યું છે. ઈલોડગઢને ભગવાન વિશ્વકર્માની પ્રાગટ્યભૂમિ માનવામાં આવતી હોવાથી અહીં યોજાનારા આવિધિઓને વિશેષ ધાર્મિક મહત્ત્વ ધરાવે છે.
મંદિર સંચાલકો દ્વારા માહિતી આપવામાં આવી કે આ પવિત્ર અવસરનો લાભ લેવા સમગ્ર વિસ્તારના શ્રદ્ધાળુઓને પરિવાર સાથે પધારવા આમંત્રણ પાઠવવામાં આવે છે. ત્રણ દિવસ ચાલનારા આ મહોત્સવ દરમિયાન વેદિક રીતસરની વિધિઓ સાથે યજ્ઞ, પૂજન, આરતી અને ધાર્મિક કાર્યક્રમોનું આયોજન કરવામાં આવશે.
કાર્યક્રમનું વિગતવાર આયોજન:
તા. ૨૨ જાન્યુઆરી ૨૦૨૬, ગુરૂવાર:
રજત જયંતિ મહોત્સવની શરૂઆત ૧૦૮ લોટા શ્રી રાંદલ માતાજીના સ્થાપના-પૂજનથી થશે. ત્યારબાદ દશવિધી સ્નાન, પ્રાયશ્ચિત, પંચાંગ કર્મ, યજ્ઞ મંડપ પ્રવેશ અને શ્રી હોમાત્મક શતચંડી યજ્ઞનો આરંભ કરવામાં આવશે. શ્રદ્ધાળુઓ માટે આ દિવસ ખાસ મહત્વનો માનવામાં આવે છે કારણ કે આ દિવસે તમામ વિધિઓનો આરંભિક સંકલ્પ લેવામાં આવશે.
તા. ૨૩ જાન્યુઆરી ૨૦૨૬, શુક્રવાર – વસંત પંચમી:
આ દિવસે પંચાંગ કર્મ, શ્રી રાંદલ માતાજીનું રાજોપચાર પૂજન, યજ્ઞ તથા સંધ્યા આરતી યોજાશે. સાંજે નવ વાગ્યે સાંસ્કૃતિક કાર્યક્રમ અને સન્માન સમારોહનું વિશેષ આયોજન કરવામાં આવ્યું છે, જેમાં સ્થાનિક તેમજ આમંત્રિત કલાકારો દ્વારા વિવિધ સાંસ્કૃતિક રજૂઆતો થશે.
તા. ૨૪ જાન્યુઆરી ૨૦૨૬, શનિવાર:
મહોત્સવનો અંતિમ દિવસ શતચંડી યજ્ઞની પૂર્ણાહુતિ સાથે ઉજવાશે. યજ્ઞ પૂર્ણાહુતિ સાથે સમગ્ર વિસ્તારના ભક્તજનો માટે આશીર્વાદ તથા શાંતિ પ્રાપ્તિનો પાવન અવસર સર્જાશે.
યજમાનો માટે ખાસ સુચના:
શ્રી રાંદલ તેડાંના યજમાન બનવા ઇચ્છતા દંપતીએ રૂ. ૩૧૦૦/-ની ભેટ નિર્ધારિત QR કોડ દ્વારા ઓનલાઈન નોંધણી કરીને આપવી રહેશે. નોંધણી બાદ તેની વિગતો નીચે આપેલ નંબરો પર વોટ્સઅપ કરવી રહેશે. પુજાના યજમાને છેડા-છેડી સાથે આવવાનું રહેશે, એવો આયોજન સમિતિ દ્વારા નિર્દેશ આપવામાં આવ્યો છે.
વિશેષ ઉપસ્થિતિ:
શાસ્ત્રી શ્રી વિરલભાઈ ત્રિવેદી (સોમનાથ)
ભગવતી સ્વરૂપા શ્રી તૃપ્તિબેન ભટ્ટ (કોડીનાર)
નિમંત્રક:
૫. પૂ. શ્રી મહેન્દ્રબાપુ
શ્રી વિશ્વકર્મા મંદિર, ઈલોડગઢ (NH-211, વેરૂલ, મહારાષ્ટ્ર)
સંપર્ક: 9422394498, 9426952165, 9825776274
