પુના(મહારાષ્ટ્ર): શ્રી ગુર્જર સુથાર જ્ઞાતિ મિત્ર મંડળ, પુનાના સૌ સભ્યો માટે નૂતનવર્ષ નિમિત્તે સ્નેહસંમેલન કાર્યક્રમનું આયોજન કરવામાં આવ્યું છે. આ કાર્યક્રમ શનિવાર, તા. ૨૨ નવેમ્બર ૨૦૨૫ના રોજ સાંજે ૫.૩૦ થી રાત્રે ૯.૩૦ સુધી પુનાના આર.સી.એમ. ગુજરાતી હાઇસ્કૂલ, પરમાર હૉલ, કસબાપેઠ ખાતે યોજાવાનો છે.
આ પ્રસંગે મંડળ તરફથી તમામ સભ્યોને જય વિશ્વકર્મા, દીપાવલી તથા નૂતનવર્ષની હાર્દિક શુભકામનાઓ પાઠવવામાં આવી છે. મંડળ દ્વારા જણાવાયું છે કે આ તહેવાર આપણા સનાતન સંસ્કૃતિનું પ્રતીક છે, જ્યાં એકબીજાને શુભેચ્છા અને આશીર્વાદ આપીને નવા વર્ષની શરૂઆત આનંદભર્યા માહોલમાં થાય છે.
સંસ્થાએ જણાવ્યું કે આજના ડિજિટલ યુગમાં જ્યારે શુભેચ્છાઓ ફક્ત સોશિયલ મીડિયા સુધી સીમિત થઈ ગઈ છે, ત્યારે આવા કાર્યક્રમો વ્યક્તિગત મુલાકાત અને સ્નેહબંધનને વધુ ગાઢ બનાવે છે. કાર્યક્રમ દરમિયાન ચા-પાણી તથા પ્રીતિભોજનની સુવિધા પણ રાખવામાં આવી છે.
આ સ્નેહસભા દ્વારા સમાજના સભ્યો વચ્ચે એકતા, સ્નેહ અને આનંદનો માહોલ સર્જાશે એવી આશા વ્યક્ત કરવામાં આવી છે.
— સમસ્ત ગુર્જર સુથાર જ્ઞાતિ મિત્ર મંડળ, પુના (મહારાષ્ટ્ર) (કમિટી ૨૦૨૩-૨૮)
