અમદાવાદ, 1 સપ્ટેમ્બર 2025 – ગુજરાતમાં આવનારા દિવસોમાં ભારે વરસાદની આગાહી હવામાન નિષ્ણાત અંબાલાલ પટેલ દ્વારા કરવામાં આવી છે. તેમના અનુમાન અનુસાર, 5 થી 9 સપ્ટેમ્બર દરમિયાન રાજ્યના અનેક વિસ્તારોમાં ભારે વરસાદ પડશે, જ્યારે 14 થી 17 સપ્ટેમ્બર દરમિયાન ફરીથી મેઘરાજા હાહાકાર મચાવી શકે છે.
અંબાલાલ પટેલે જણાવ્યું હતું કે, બંગાળની ખાડીમાં નવી સિસ્ટમ સર્જાવાની શક્યતા છે, જેના કારણે ખાસ કરીને ઉત્તર ગુજરાતમાં ભારેથી અતિભારે વરસાદ થઈ શકે છે. દક્ષિણ ગુજરાત, સૌરાષ્ટ્ર અને મધ્ય ગુજરાતમાં પણ કેટલાક વિસ્તારોમાં વરસાદી માહોલ યથાવત રહેશે.
આ પરિસ્થિતિને કારણે નવરાત્રિના પર્વ દરમિયાન ખેલૈયાઓને મુશ્કેલી પડી શકે છે, કારણ કે ગરબા મહોત્સવમાં ભાગ લેવા આવતા લોકો માટે વરસાદ અવરોધરૂપ બનશે. શહેરોમાં પાણી ભરાવાની શક્યતા સાથે ટ્રાફિકની સમસ્યા પણ ઊભી થઈ શકે છે.
રાજ્ય સરકાર અને હવામાન વિભાગે લોકોને સાવચેતી રાખવા તેમજ જરૂરી સુચનોનું પાલન કરવા અપીલ કરી છે. ખેતી માટે આ વરસાદ લાભદાયી થઈ શકે છે, પરંતુ અતિભારે વરસાદને કારણે કેટલાક વિસ્તારોમાં નુકસાનની શક્યતા નકારી શકાય નહીં.
------
Ads..
