મુંબઈ: ગુર્જર સુથાર સમાજ દ્વારા શ્રી વિશ્વકર્મા જયંતિના પાવન અવસર પર સમાજ સેવા અને મહિલા સશક્તિકરણ તરફ વિશેષ પહેલ હાથ ધરવામાં આવી છે. સમાજમાં જીવનયાપન માટે સંઘર્ષ કરી રહેલી બહેનોને આત્મનિર્ભર બનાવવા અને તેમના કુશળતાને રોજગાર સાથે જોડવા માટે વિશેષ શીલાઈ મશીન વિતરણ યોજના જાહેર કરવામાં આવી છે. આ યોજનાનો મુખ્ય હેતુ સમાજની એવી જરૂરિયાતમંદ બહેનોને પ્રોત્સાહન આપવાનો છે, જેઓ શીલાઈ–કટિંગના કૌશલ્ય દ્વારા પોતાના ઘરનું આર્થિક ભારણ ઘટાડવા ઈચ્છે છે પરંતુ સગવડોના અભાવે આગળ વધી શકતી નથી. મર્યાદિત સંખ્યામાં શીલાઈ મશીનોનું વિતરણ થશે અને તેનો લાભ સાચે જ જરૂરિયાતમંદ બહેનો સુધી પહોંચે તે માટે સમાજના કાર્યકર્તાઓ દ્વારા ઘરે જઈને સર્વે કરવામાં આવશે. સર્વે બાદ યોગ્ય બહેનોને મશીન ફાળવવામાં આવશે.
આ ઉદ્દાત સેવા યોજનાના દાતા શ્રી તૂષારભાઈ કથરેચા છે, જેઓ છેલ્લા ઘણા વર્ષોથી સમાજ સેવા ક્ષેત્રે સક્રિય રહ્યા છે. તેઓએ જણાવ્યું કે, સમાજની બહેનો આત્મનિર્ભર બને તે આજના સમયની સૌથી મહત્વની જરૂરિયાત છે. “એક શીલાઈ મશીન માત્ર ઉપકરણ નથી, પરંતુ તે પરિવારને નવી આશા આપે છે,”
વિશ્વકર્મા જયંતિના દિવસે મુંબઇ ખાતે યોજાનારી વિશેષ સમારોહમાં શીલાઈ મશીનનું વિતરણ કરી ચોક્કસ બહેનોને સન્માનિત કરવામાં આવશે.
આ સમગ્ર આયોજન માં જોડાયેલા પ્રવિણભાઈ બોરાણીયાએ જણાવ્યું કે જે બહેનો શીલાઈ મશીન લેવા ઇચ્છુક છે તેમણે વહેલી તકે પોતાનું નામ નોંધાવી દેવું જોઈએ. “જે વહેલા તે પહેલા” ના ધોરણ પર નોંધણી થશે. બહેનોના ઘર સુધી જઈને પરિસ્થિતિ અને જરૂરિયાતનું મૂલ્યાંકન કરીને જ અંતિમ પસંદગી કરવામાં આવશે, જેથી સેવા કાર્યનો સાચો લાભ યોગ્ય લોકો સુધી પહોંચે.
સમાજમાં આ યોજનાને ભારે સ્તરે પ્રશંસા મળી રહી છે. અનેક પરિવારો માટે આ શીલાઈ મશીન એક નવું જીવનપ્રેરક સાબિત થઈ શકે છે. ખાસ કરીને આવા સમયમાં, જ્યારે બહુવિધ બહેનો ઘરેથી કાર્ય કરવાની તકો શોધી રહી છે, ત્યારે આ સેવા યોજના તેમને નવો માર્ગ બતાવશે.
વધુ વિગતો મેળવવા અને નોંધણી માટે સમાજની મહિલાઓ નીચે આપેલા નંબર પર સંપર્ક કરી શકે છે:
📞 9820953010, 9820973010
વિશ્વકર્મા જયંતિનો આ કાર્યક્રમ માત્ર વિતરણ સમારોહ નથી, પરંતુ સમાજની બહેનોને આર્થિક સ્વતંત્રતા તરફ દોરતું એક મહત્વપૂર્ણ પગલું છે. સમાજના આગેવાનો આશા રાખે છે કે આ પ્રયાસો દ્વારા બહેનોના જીવનમાં સકારાત્મક પરિવર્તન આવશે અને તેઓ સ્વાવલંબનના માર્ગે આગળ વધી શકશે.
(રિપોર્ટ: પ્રવિણભાઈ બોરાણીયા, મુંબઈ)