બોટાદ : SV News | તારીખ : ૧૪ ઑક્ટોબર ૨૦૨૫
શ્રી વિશ્વકર્મા દાદાની અસીમ કૃપાથી “શ્રી સમસ્ત વિશ્વકર્મા લુહાર જ્ઞાતિ સ્નેહ મિલન – ૧૬ (પસંદગી મેળો)”નું મેગા આયોજન આ વખતે બોટાદ શહેરમાં ભવ્ય રીતે યોજાશે. આ આયોજન અમૃત ચેરીટેબલ ટ્રસ્ટ, રાજકોટ દ્વારા કરવામાં આવી રહ્યું છે, જેમાં બોટાદ જિલ્લા તથા શહેરના ઉદ્યોગપતિઓ, સામાજિક કાર્યકરો, મહિલા મંડળો, મીડિયા પ્રતિનિધિઓ તથા લુહાર સમાજના આગેવાનોનો વિશાળ સહયોગ મળી રહ્યો છે.
આ વિશાળ સ્નેહ મિલન – ૧૬ માં ગુજરાત, કચ્છ, સૌરાષ્ટ્ર, મહારાષ્ટ્ર તથા રાજસ્થાન રાજ્યોના સોરઠીયા લુહાર, મચ્છુ કઠિયા લુહાર, કચ્છી લુહાર, મિસ્ત્રી લુહાર, પંચાલ લુહાર જેવા ઉપસમાજોના યુવક-યુવતીઓ અને પરિવારજનો જોડાશે. આ પ્રસંગ સમાજના એકતાનો અને પરસ્પર સુમેળનો જીવંત ઉત્સવ બની રહેશે.
આ પસંદગી મેળો નિઃશુલ્ક રહેશે જેથી સમાજના દરેક વર્ગને લાભ મળી શકે. કાર્યક્રમનું સ્થળ તથા તારીખ ટૂંક સમયમાં જાહેર કરવામાં આવશે. મેળાનો સમય સવારે ૯ થી બપોરે ૨ સુધી રહેશે. સવારે ૯થી ૧૦ વચ્ચે ફોર્મ ભરવાનું રહેશે, ત્યારબાદ ૧૦થી ૧૨ દરમિયાન યુવક-યુવતીઓનો વ્યક્તિગત પરિચય તથા બપોરે ૧થી ૨ વચ્ચે સન્માન અને પરસ્પર મુલાકાત કાર્યક્રમ યોજાશે.
આ આયોજનનો મુખ્ય હેતુ સમાજમાં એકતા, સંવાદ અને સુખી પરિવાર રચનાને પ્રોત્સાહન આપવાનો છે. કાર્યક્રમ અંગે વધુ માહિતી માટે અમૃત ચેરીટેબલ ટ્રસ્ટ, રાજકોટ (મો. ૮૪૦૧૮૦૫૫૧૧) નો સંપર્ક કરી શકાય છે.
સમસ્ત વિશ્વકર્મા લુહાર જ્ઞાતિનું સ્નેહ મિલન – ૧૬ સમાજ માટે એકતા અને સંબંધોનો મહોત્સવ સાબિત થશે.