હાલ ગુજરાત પર એક અપર એર સાયક્લોનિક સર્ક્યુલેશન સક્રિય છે, જેના કારણે વરસાદી પ્રવૃત્તિમાં વધારો થવાની શક્યતા છે. સાથે જ બંગાળની ખાડીમાં પણ એક નવી હવામાન સિસ્ટમ સક્રિય થવાની શક્યતા છે, જે ગુજરાત તરફ આગળ વધી શકે છે અને વરસાદનું જોર વધુ વધી શકે છે.
હવામાન વિભાગે નાગરિકોને સાવચેતી રાખવા અને અનાવશ્યક પ્રવાસ ટાળવાની અપીલ કરી છે. ખાસ કરીને નીચાણવાળા વિસ્તારોમાં રહેતા લોકો માટે પૂરતી તકેદારી રાખવી જરૂરી હોવાનું સૂચન કરવામાં આવ્યું છે.