રાજકોટ, તા.૩,૯,૨૦૨૫ : રાજકોટ સ્થિત ગજ્જર સર્વિસ ગ્રુપ દ્વારા આગામી રવિવારે, 7 સપ્ટેમ્બર, 2025 ના રોજ 'વિદ્યા સત્કાર સમારંભ' નું આયોજન કરવામાં આવ્યું છે. આ કાર્યક્રમ સાંજે 5:30 કલાકે દિવાનપરા, રાજકોટ ખાતે આવેલા શ્રી વિશ્વકર્મા પ્રભુજી મંદિર ખાતે યોજાશે, જેમાં ગ્રુપના સભ્યોના તેજસ્વી વિદ્યાર્થીઓનું સન્માન કરવામાં આવશે.
આ વર્ષે કાર્યક્રમમાં ખાસ આકર્ષણ તરીકે, શરૂઆતમાં જ મનોરંજન અને વિવિધ ગેમ્સ નું આયોજન કરવામાં આવ્યું છે. જે સભ્યો સાંજે 5:30 થી 6:00 વાગ્યાની વચ્ચે સમયસર હાજર રહેશે, તેમને સરપ્રાઇઝ ઇનામ જીતવાની તક મળશે. આ માટે ટોકન આપીને ડ્રો કરવામાં આવશે, જેમાં 5 ભાગ્યશાળી વિજેતાઓને ગિફ્ટ આપવામાં આવશે.
કાર્યક્રમની રૂપરેખા નીચે મુજબ છે:
* દીપ પ્રાગટ્ય અને સ્વાગત પ્રવચન
* મનોરંજન અને ગેમ્સ
* વિદ્યાર્થીઓનું સન્માન
* વિશેષ સન્માન અને નવા સભ્યોનો પરિચય
* આભાર દર્શન અને સ્વરુચિ ભોજન
આ વિદ્યાર્થી સન્માનના મુખ્ય સ્પોન્સર ગ્રુપ સભ્યો શ્રી હિતેશભાઈ બદ્રકીયા અને શ્રી અલ્પેશભાઈ ખંભાયતા છે. કાર્યક્રમના અંતે, રાત્રે 8:00 કલાકે, સૌ માટે સ્વરુચિ ભોજન સમારંભનું પણ આયોજન કરવામાં આવ્યું છે.
ગજ્જર સર્વિસ ગ્રુપના પ્રમુખશ્રી કિશોરભાઈ આર. બોરાણીયા અને મંત્રીશ્રી કિશોરભાઈ જે. તલસાણીયાએ આ કાર્યક્રમમાં સહ-પરિવાર પધારવા માટે સૌ સભ્યોને ભાવભર્યું આમંત્રણ પાઠવ્યું છે. આ પ્રસંગે, ચાલુ વર્ષની સભ્ય ફી જમા કરાવવા માટે પણ વિનંતી કરવામાં આવી છે.
--------
Ads...
