અમદાવાદ: નરોડાના પાયલ નગર બગીચામાં આવેલા માધવ મંડળ દ્વારા જન્માષ્ટમી પર્વની ભવ્ય ઉજવણી કરવામાં આવી. આશરે ૩૦૦ જેટલા ભાઈ-બહેનોએ એકસાથે મળીને આ ઉત્સવની ધામધૂમથી ઉજવણી કરી હતી.
મંડળના પ્રમુખ અંબાલાલ પ્રજાપતિના ઘરેથી ભગવાન કૃષ્ણને ઢોલ-નગારાના તાલે વાજતે ગાજતે માધવબાગ ગાર્ડનમાં લાવવામાં આવ્યા હતા. ઉપપ્રમુખ ધનજીભાઈ પંચાલ, ગજાનચી ગજરાજસિંહ બાપુ, શૈલેષભાઈ પટેલ, પોપટભાઈ સુથાર, મનુભાઈ સુથાર, અતુલભાઈ પટેલ, રામભાઈ પટેલ અને બાબુભાઈ પટેલ જેવા કમિટીના સભ્યોએ આ કાર્યક્રમને સફળ બનાવવા માટે ખૂબ જ મહેનત કરી હતી.
૧૮ વર્ષથી કાર્યરત માધવ મંડળ
માધવ મંડળ છેલ્લા ૧૮ વર્ષથી નિયમિત રીતે વિવિધ તહેવારોની ઉજવણી કરતું આવ્યું છે. આ મંડળ દરરોજ સાંજે ૪:૩૦ થી ૬:૩૦ દરમિયાન ભજન-સત્સંગના કાર્યક્રમનું પણ આયોજન કરે છે, જેમાં મોટી સંખ્યામાં ભક્તો ભાગ લે છે. મંડળના કાર્યક્રમોમાં રાજકીય આગેવાનો અને કોર્પોરેટરો પણ અવારનવાર હાજરી આપીને પ્રોત્સાહન પૂરું પાડે છે.
સિનિયર સિટીઝન માટે સુવિધાઓ
માધવબાગ પાયલ નગર બગીચામાં સિનિયર સિટીઝનો માટે ખાસ સુવિધાઓ પણ ઉપલબ્ધ કરાવવામાં આવી છે. મ્યુનિસિપાલિટી દ્વારા સિનિયર સિટીઝનો માટે એક સુંદર શેડ બનાવવામાં આવ્યો છે. જેમાં પંખા, લાઈટ, પાણીનું કુલર અને બેસવા માટેની બેન્ચની વ્યવસ્થા છે. આ તમામ વ્યવસ્થા ભૂતપૂર્વ કોર્પોરેટર વલ્લભભાઈ પટેલના બજેટમાંથી કરવામાં આવી હતી, જે સિનિયર સિટીઝનોની સુખાકારીનું ધ્યાન રાખે છે.
(માહિતી : ધનજીભાઈ પંચાલ, અમદાવાદ)